所謂欺山莫欺水,如果係無邊無際嘅海,就一定唔會玩,免得泛舟變坐救生艇。
不過來到北碧X2,門口就有隻艇,又有救生衣,想幾時跳落去玩都得,唔駛搵工作人員照顧你……所以,心心唸唸,最後在check out前都係試玩一下。
雖然我唔識游水,仲要係第一次玩,都似模似樣⁉
始終呢度係河,範圍有限,水流唔急,無大小船隻要避,埋返埋個船位時,撞咗十萬次隔離屋都無人理…(考慮咗十萬個條件先敢玩) 只要唔反艇,就可以完全唔怕失禮江東父老,玩到你無力為止。
只係我一向無乜力水,玩15分鐘就夠,成身汗,兼且太陽好猛……真係運動嚟㗎。
PS. 車都未識泊就泊船…