北碧．我都得/膽生毛：湖上泛舟

所謂欺山莫欺水，如果係無邊無際嘅海，就一定唔會玩，免得泛舟變坐救生艇。





不過來到北碧X2，門口就有隻艇，又有救生衣，想幾時跳落去玩都得，唔駛搵工作人員照顧你……所以，心心唸唸，最後在check out前都係試玩一下。

雖然我唔識游水，仲要係第一次玩，都似模似樣⁉

始終呢度係河，範圍有限，水流唔急，無大小船隻要避，埋返埋個船位時，撞咗十萬次隔離屋都無人理…(考慮咗十萬個條件先敢玩) 只要唔反艇，就可以完全唔怕失禮江東父老，玩到你無力為止。

只係我一向無乜力水，玩15分鐘就夠，成身汗，兼且太陽好猛……真係運動嚟㗎。



PS. 車都未識泊就泊船…

曼谷．我都得：行超市

今回差唔多行到腳都斷。

小妹一向喜歡住grand central phloen chit，一來近車站，二來近商場。

由於太近，所以周不時都捨車用腳，由central embassy(phloen chit站)行到siam discovery(siam站過少少)，再行返轉頭，連埋食飯按摩都浦咗12個鐘(好彩仲識食飯)。